عدد الرسائل : 183 العمر : 34 العمل/الترفيه : No More Life المزاج : Funny تاريخ التسجيل : 23/08/2008
موضوع: بتـحـب مـصـر ؟؟؟ طــب إيـه إلـلـى يـثـبت بكـدة, موضوع منرفزنى بجد الأحد أغسطس 24, 2008 10:44 am
مش عارفة أكـتب الـموضوع دة إزاى انا مش رضيت أكتبه لغة عريبة قولت خلينا على طبيعتنا شوية
يعنى الناس اللى بتزعل على منتخب مصـر لما إتغلب من السودان .... وأعـدوا يقولو مش هنصعد كاس عالم وأعدين يقطموا فى كل حاجة واللعيبة وحسن شحاتة وبتاع وبتاع
قلبهم على مصر اوى وعاوزينها توصل كاس عالم ؟؟؟
وكاس عالم دة هيعملنا ايه فى حياتنا واحنا مش عارفين نحل ربع مشكلة
طيب فين قلبهم وحرقة دمهم من إللى بيحصل فى مصر ؟؟
كانو فين يعنى من حريق الشورى والاسعار اللى عمالة تزيد فى كل حاجة
ووقت الكورة ولو فى ماتش للمنتخب ... الكل حاطط ايده على قلبه وخايف مصر مش تتغلب
ولو اتغلبت يبقى دى نهاية العالم ولازم نقف جمب منتخبنا
طيب انت بتبين كدة يعنى انـك بتحب مصر أوى؟؟
لما انت بتحبها عاوز تهاجر منها ليه وتسافر تشتغل برة؟؟
عشان مافيهاش شغل صح؟؟
على فكرة دة مش كلامى ... دة كلام اى شاب مش لاقى وظيفة ونفسه فعلا يخرج برة مصر فى أى دولة عربية هيلاقى فرص عمل محترمة هنـاك
يعنى انت مخنوق من مصر ومن بلاويها ومن مش عارفة إيه وإيه وإيه تقول انا عاوز اهاجر
يعنى مش هاين عليك حال البلد وكل يوم مصيبة بتحصل
ولما يجى ماتش تقعد تحرق فى دمك وتبفى شوية وهتنتحر
هيعملك ايه المنتخب يعنى قصاد منتا مش لاقى شغلانة ؟؟
تصرفات متناقضة بجد واللى أغرب من كدة إن الإعلام الرياضى فى مصر مسلط الضوء على ماتش ودى بطريقة مبالغ فيها وسايبين أولمبياد بكين إللى مخدناش فيها لحد دلوقتى غير ميدالية بروزنية فقـط لا غيـر !!
أنا عارفة إن كتير منكم مش بيتابع الكـلام دة
لكن انا بكلم من حـيث المبدأ
واحد مش بيهتم بأى حاجة تحصل للبلد ... وساعة المنتخب يبقى هيضحى نفسه عشان المنتخب يـكـسب
طبعاً وخير دليل على كدة الإحتفالات المبالغ فيها بردو لما مصر كسبت فى غانا 2008
أنا مابقولش الناس ماتفرحوش ... بس وقت الفرح إفرحوا
لكن وقت المحن والمشاكل بتبقو انتو فين يعنى؟؟؟ !!!!
طب عملوا ايه وقت اضراب 6 ابريل دة اما حصل يعنى وناس اتقبض عليها واتحبست
الكل سكت واستخبى فى بيته
ماحدش بيفتكر مصر إلا من خلال كـرة القـدم وياريتها بتخليهم إيجابين فى تصرفاتهم
الأحد أغسطس 24, 2008 10:44 am
