ازاى تحرق دم مراتك -------- حمله ضد السحالى

الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى


اذا كنت بتتفرج على التلفزيون وهى عايزة تغير القناة قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة ولو كنت بتتفرج على ماتش كورة هيبقى الموضوع اسهل . كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب
( ملاحظة : اغلب النساء ذو ثقافة كروية ضعيفة )


اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة
طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض


فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة



لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات . يرعى التجول وانت مستمتع بأكل الجاتوة امامها



متنساش رأيك فى طبيخها لو عاملة لحمة قالها حلو اوووى الفراخ دى .ولو طبخة بامية . جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!



لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !



لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية



لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟



وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!

يالهوى ايه الاذى دة
ارجو من كل شاب وكل فتاه لا تنحرف ولا تسمع اى نصيحه من شادى
وبعدين انت ناوى تعمل كده ولا ايه

اة ما انتو اولاد ذى بعض لازم يعجبك الموضوع

smart girl كتب:

يالهوى ايه الاذى دة
ارجو من كل شاب وكل فتاه لا تنحرف ولا تسمع اى نصيحه من شادى
وبعدين انت ناوى تعمل كده ولا ايه

اكبد لازم اعمل كده امال هحرق دم مراتى ازاى

sindrela كتب:

اة ما انتو اولاد ذى بعض لازم يعجبك الموضوع

هههههههههههههههههههههه
اكيد لازم يعجبنا
وانتظروا الحمله القادمه
حمله مكثفه

smart girl كتب:

يالهوى ايه الاذى دة
ارجو من كل شاب وكل فتاه لا تنحرف ولا تسمع اى نصيحه من شادى
وبعدين انت ناوى تعمل كده ولا ايه

سيبيهم يا بنتى هم مش يعرفونا لسه خديهم على قد عقلهم


برافو يا شادى ايه الحلاوه دى انا اضم صوتى ليك

صح انا معاكى يامروه
ربنا هيوعدك بزوجه تعمل معاك كده

دانت مصربقى يبقى فى فى الموضوع رخامه
هههههههههه
بس احنا لو رخمنا هنبقى رخما بجد يعنى مش هزار ههههههه